我是很攰的, 但仍然撐下去, 因為我知道即使我十一二點訓落床, 都應該唔會訓得著。

噚晚2點到訓落床, 我又諗起A先生, 其實我已經嘗試唔去再諗佢, 但係我啲眼淚就係咁放出尼…

其實我知道我仲係好掛住佢, 我仍然接受唔到我地響2006年既時候分手既事實。始終尼件事都係因為我任性, 但我的確想拔不去心中的這條刺。

我唔知佢而家仲係咁好掛住我, 從他的朋友知道, 他在我分手之後都沒有結交過其他女友。

其實我很痛苦, 因為我知道自己要在不久的將來會出嫁, 但我要嫁的, 卻不是這個我愛得發瘋的他。我曾經想過再下一注, 再找A先生, 希望大家可以再給一個機會重新開始。但我沒有勇氣這麼做, 因為我知道C先生愛我的程度, 他對我投資了很多…如果我又再一次給始亂終棄的話, 我會很傷他的心, 令他對愛情完全失去信心。

但我知道C先生的性格一直都不合我, 我做到我想要的那一種男人。

C先生, 對女人有要求, 有希望。

我接受不到男人對我有任何要求, 有任何希望。

但如果下注失敗, 如果實情是A先生根本一早對我忘情, 那我又失去了所有。我亦會受到家人的指責。

其實, 我都明白近來係去trip既好時機, 因為好多旅行社都減價。

男人話可以陪我一齊去東歐。但有時響旅遊費方面都唔知應該由佢比好吖, 定係AA好~

我一方面又好響受佢比哂果種幸福感, 但好無奈我又知道佢只係一個普通既銀行職員, 如果使佢啲錢, 我又有點兒那個。

始終佢的確想響今年買樓, 佢都同我講左自己會儲首期…

唉, 仲有四日ANNUAL要響三月三十一日之前請咗去。

我都未諗到, 但係又唔想是但請幾日, 為請而請咁囉~

年輕的男人批評港女愛物質愛錢，其他地方的女人好得多。每次我聽見這種批評，我只會覺得說這種話的人不成熟。難度，其他城市的女人真的完全不愛錢不喜歡物質？

大概，他們是被異地的美女蒙騙了。哪有女人不愛錢的？就算是非洲大草原上的土著女郎，若然你送她靚衫靚首飾和美金，她都會立刻當你是神，甘心情願跟你走。

任何地方的女人都愛錢，不過，較香港落後的地方的女人，她們不需要名牌衣物，她們需要的比較原始和實在，於是，當香港男人每個月給她們兩千塊錢的零用，她們就欣喜若狂。她們都一樣愛錢，不過，她們的要求比香港女人較低。

也請男人們這樣想，要是你有天成為父親，你都希望自己的女兒將來嫁一個有錢人，你不會希望你的寶貝女兒嫁個窮男人然後日日捱苦吧！

我只能說，全世界的女人的願望都是一樣：找一個有錢又愛惜她的男人。

就算，女人此刻肯跟一個窮男人，她都會在以後的日子每天鞭策他上進和搵多些錢，這根本就是女人的職責。

全世界的女人都一樣，我甚至懷疑，全世界的女人都是同一個人。男人，接受這回事吧！